ಜಗದ ತುಂಬಾ
ಹಣದ
ಹೆಣದ ವಾಸನೆ
ಮತ್ತು ಸುತ್ತಮುತ್ತೆಲ್ಲಾ ಮನಸು ಅರೆಬೆಂದು
ಸುಟ್ಟಂಥದ್ದು,
ಕನಸಿನ ದೋಸೆಹಿಟ್ಟು ಕೆಟ್ಟಂಥದ್ದು
ಬಾ ಗೆಳೆಯಾ ಇಲ್ಲೇ ಸುತ್ತಾಡಿ ಬರೋಣ
ಸಲುಪ ದೂರದಲೆ ಕವಿಗಳ ಮನೆಯಿದೆ
ಆಗಷ್ಟೇ ಕಣ್ತೆರೆದ ಕವಿತೆಯ ಘಮ
ಉಣ್ಣಲು ಸಿಕ್ಕೀತು,
ಮತ್ತು ಅದರ ಕಂಪು
ಹಬ್ಬೀತು ನಮ್ಮೊಳಗೂ
ಆದೀತು ನಮ್ಮ ಜೀವ ತಂಪು.
ನೀಲಿ ಹೂವು 
ರಂಜಿತ್ ಸರ್,
ಸದ್ಯದ ಪರಿಸ್ಥಿತಿಯಲ್ಲಿ ಕವನದ ಘಮ ನಮಗೆಲ್ಲಾ ಬೇಕೇಬೇಕು ಅಲ್ವಾ…
ಹಾಗಂತಲೇ ನಿಮ್ಮ ಮನೆಗೆ ಹೋದರೆ ಸಿಕ್ಕಿದ ಉತ್ತರ : ಕವಿಗಳು ಊರಲ್ಲಿಲ್ಲ ! 😦
ಎಷ್ಟೋ ಸಮಸ್ಯೆಗಳಿಗೆ ಮೂಲ ಕಾರಣ ಸಾಹಿತ್ಯದಲ್ಲಿ ಆಸಕ್ತಿ ಇಲ್ಲದಿರುವುದು. ಕವಿತೆಯೂ ಚೆನ್ನಾಗಿದೆ, ಚಿತ್ರವೂ ಚೆನ್ನಾಗಿದೆ.
ತುಂಬಾ ಚೆನ್ನಾಗಿದೆ ರಂಜಿತ್ ಅವರೆ…. 🙂
ಸೊಗಸಾದ ಕವನ ರಂಜಿತ್… ನಮಗೂ ಹೇಳಿಕೊಡ್ರಿ ಕವನ ಬರೆಯುವ ಕಲೆಯನ್ನು 🙂
ಶಿವು ಸರ್,
ಹಣ ಹಿಡಿಯಲು ಬದುಕನ್ನೇ “ಛೂ!” ಬಿಟ್ಟವರು ನಾವೆಲ್ಲಾ! ಹೀಗಿರುವಾಗ ನಿಜವಾದ ಕವಿತೆ ಮನಸ್ಸಿಗೆ ತಂಪು ನೀಡುತ್ತದೆ. ನಿದ್ದೆ ಎಳೆವ ರಾತ್ರಿ ಪ್ರಯಾಣದ, ಊದ್ದ ಹೆದ್ದಾರಿಯ ಮಧ್ಯೆ ಸಿಕ್ಕ ಪುಟ್ಟ ಇರಾನಿ ಹೋಟೆಲ್ಲಿನಂತೆ ಅಲ್ಲವೇ ಈ ಕವಿತೆಗಳೆಂದರೆ?!
ಅನಾನಿಮಸ್ಸು,
ನಿಮ್ಮ ಹೆಸರೂ ಇದ್ದಿದ್ದರೆ ಚೆಂದವಿತ್ತು, ನಿಮ್ಮ ಕಾಮೆಂಟು ಇಷ್ಟವಾಯ್ತು..!
ಕಲ್ಯಾಣ್,
ಸಾಹಿತ್ಯ ಬದುಕನ್ನು, ಇನ್ನೊಂದು ಜೀವವನ್ನು ಅರ್ಥೈಸುವುದಕ್ಕೆ ಪ್ರೀತಿಸುವುದಕ್ಕೆ ಖಂಡಿತವಾಗಿ ನೆರವಾಗುತ್ತದೆ ಅಂತ ನನ್ನ ಧೃಡ ನಂಬುಗೆ.
ಅಂದ ಹಾಗೆ ಚಿತ್ರ ನನ್ನದಲ್ಲ. ಕವಿತೆ ಹೊಂದಿಕೆಯಾಗುತ್ತದೆ ಎಂಬ ಕಾರಣದಿಂದ ಗೂಗಲ್ ನಿಂದ ಆರಿಸಿಕೊಂಡಿದ್ದು.
ಪ್ರದೀಪ್,
ನಿಮ್ಮ ಅನಿಸಿಕೆಗೆ, ನೀಲಿಹೂವಿನ ಮೇಲಿನ ಪ್ರೀತಿಗೆ ಥ್ಯಾಂಕ್ಸ್.
ಶರತ್,
ಥ್ಯಾಂಕ್ಸ್. ಬಹಳಷ್ಟು ಹಿರಿಯ ಬರಹಗಾರರಿಗೆ ನನ್ನ ಕವಿತೆಗಳು ರುಚಿಸುವುದಿಲ್ಲ. ಬಹುಶಃ ಸುಲಭವಾಗಿ ಅರ್ಥವಾಗುತ್ತದೆ ಎಂಬ ಕಾರಣಕ್ಕೇ ಇರಬೇಕು..:)
ಹೇಗೆ ಬರೆಯುತ್ತೇನೆ ಅಂತ ನನಗೇ ಅರ್ಥವಾದ ದಿನ, ನನ್ನ ಕವಿತೆಗಳು ಜಡವಾಗಲು ಪ್ರಾರಂಭವಾಗುತ್ತದೆ..:)
ಆಹಾ ಕವಿತೆಯ ಕಂಪು ಇಲ್ಲೆಲ್ಲಾ ಹರಡಿತು 🙂
ಕವಿತೆಯ ಘಮ ಘಮ ಎಲ್ಲೆಡೆ ಪಸರಿಸಲಿ
ಸುಂದರ ಕವಿತೆ
ಆ ಅನಾನಿಮಸ್ಸು ನಾನೇ ಮರಾಯ.. ಯಾಕೋ ಹೆಸರು ಹಾಕಿದ್ದು ಬರಲೇ ಇಲ್ಲ 😦