ಇದು ನಾನು, ಕೇವಲ ನಾನಾಗಿ ಬಿಡುವ ಸುಗ್ಗಿಯ ಸಮಯ!

Posted: ಜನವರಿ 28, 2011 in ಪರ್ಸನಲ್ಲು, ಬದುಕೇ, ಐ ಲವ್ ಯೂ!
ಟ್ಯಾಗ್ ಗಳು:, , , , ,

ನಾವು ಬರೀ ನಿಂತಿದಷ್ಟೇ.

ತೆರೆಯು ಪದತಡಿಯ ಮರಳನು ಸದ್ದಿಲ್ಲದೇ ಒಯ್ಯುವಂತೆ ವರುಷವೊಂದು ಮೆಲ್ಲ ಜಾರಿ ಹೋಯಿತು; ಹೆಜ್ಜೆಯ ಗುರುತಿನ ಭಾವವನ್ನೂ ನೀಡದೇ!

*****

 

ಊರಿಗೆ ಹೊರಡುವುದೆಂದರೆ ನನ್ನನ್ನು ನಾನು ರೀಚಾರ್ಜ್ ಮಾಡಿಕೊಳ್ಳುವ ಸಂದರ್ಭ; ಕಾಯಕ ಮಾಡುವ ಊರಿನ ಅಪರಿಚಿತ ಜೀವಿಗಳಿಗೆ ಪ್ರೀತಿ ಎಲ್ಲಿಂದ ತೋರಿಸಬೇಕು? ಅದಕ್ಕೇ ಊರಿಗೆ ಹೋಗಿ ಮನದ ಜೋಳಿಗೆ ತುಂಬಾ ಪ್ರೀತಿ ತುಂಬಿಸಿಕೊಂಡು ಇಲ್ಲಿ ಬಂದು ಹಂಚುವ ಕೆಲಸ ಮಾಡಬೇಕಿದೆ ಅಂತ ಆಗಾಗ್ಗೆ ಗೆಳೆಯರ ಜತೆ ಅನ್ನುವುದಿದೆ.

ಜಗದ ಬೇರೆ ಎಡೆಯ ರೀತಿ ರಿವಾಜುಗಳೊಳಗೆ ಬಂಧಿಸಲ್ಪಟ್ಟು, ನಮ್ಮೂರಿನ ಹಬ್ಬಹರಿದಿನ, ಅದಕ್ಕೆ ಮಾಡುವ ತಯಾರಿ ಅದರುದ್ದಿಶ್ಯ ಎಲ್ಲಾ ಮರೆತು, ಯಾವಾಗಲೋ ಒಮ್ಮೆ ಊರಿಗೆ ಫೋನ್ ಮಾಡುವಾಗಲಷ್ಟೇ ನಮಗೆ ಕೋಟೇಶ್ವರ ಹಬ್ಬ, ಆನೆಗುಡ್ಡೆ ರಥದ ಸುದ್ಧಿ ಸಿಕ್ಕಿ , ಕ್ಷಣಕಾಲ ಹಿಂದಿನ ಹಬ್ಬದ ನೆನಪುಗಳ ಪಲುಕು ಮೂಡಿಮರೆಯಾಗುವುದು. ಇತ್ತ ಈ ಊರಿನ ಹಬ್ಬಗಳೂ ನಮ್ಮದಾಗದೆ ಹೋಗಿ ಕೊನೆಗೆ ಹಬ್ಬಗಳೇ ಅನುಭವಿಸದ ಬಿಕನಾಸಿ ಜೀವನವಾಗುವ ಅಪಾಯದಿಂದ ತಪ್ಪಿಸಿಕೊಳ್ಳುವುದೆಂದರೆ ಊರಿಗೆ ಹೋಗುವ ರಜೆಯ ಸಮಯವೇ. ಹೊರಡುವ ಹಿಗ್ಗು, ತಲುಪುವ ಖುಷಿ, ಹತ್ತು ಹದಿನೈದು ದಿನಗಳ ಆನಂದಗಳೇ ನಮ್ಮ ಪಾಲಿನ ಹಬ್ಬವಾಗುವ ವಿಸ್ಮಯವಿದು.

full

ಹೋಟೆಲ್ ರುಚಿಯ ಜೈಲುಗಳಿಂದ ನಾಲಿಗೆಗೆ ಕೊಂಚ ದಿನಗಳ ಮಟ್ಟಿಗೆ ಬಿಡುಗಡೆ. ಅಮ್ಮನ ಮನದ ಗೂಗಲ್ಲು ಸರ್ಚು ವಿಧವಿಧ ಪಾಕಗಳಿಗಾಗಿ ಬ್ಯುಸಿಯಾಹೋಟೆವ ಘಳಿಗೆಗಳು. ಅಣ್ಣನ ’ತಮ್ಮನ ಜತೆಗಿರುವ ಹಿಗ್ಗಿಗೆ’ ತಾರಕಕ್ಕೇರುವ ಉಕ್ಕು. ಮರವಂತೆ ಬೀಚಿನ ಮರಳುಗಳಿಗೆ ಹೊಸ ಪಾದದ ತಂಪು. ಆನೆಗುಡ್ಡೆ ಗಣೇಶನಿಗೆ ಹಳೆಯ ಹುಡುಗನ ಹೊಸ ಪ್ರಾರ್ಥನೆ ಕೇಳುವ ಸಮಯ. ಅವನ ಕಣ್ಣಲ್ಲಿ – ದೇಹದ ವಿಚಾರದಲ್ಲಿ ತನಗೇ ಕಾಂಪಿಟೀಷನ್ ನೀಡುತ್ತಿರುವ ನನ್ನ ಬಗ್ಗೆ, ಮೂಡುವ ಅಚ್ಚರಿಯನ್ನು ಕಾಣುವ ಬಯಕೆ. ಒಂದಿಷ್ಟು ಮನೆಫಂಕ್ಷನ್ನುಗಳು. ಖಾಲಿ ಆವರಣಗಳು ಕ್ಷಣಕಾಲದಲ್ಲಿ ಹಮ್ ಆಪ್ ಕೆ ಹೈ ಕೌನ್ ಸೆಟ್ಟಾಗಿ ಬಿಡುವ ಅಚ್ಚರಿ. ಅಂಗಳದ ಪಾರಿಜಾತ ಹೂಬಿಡಲು ಸೀಸನ್ನುಗಳಿವೆಯೇ ಅಂತ ಗೂಗಲ್ಲು ಹುಡುಕಲು ಬೇಸರ, ಅದನ್ನು ಕಣ್ಣಾರೆ ನೋಡಿಯೇ ಅರಿಯಬೇಕು.. ಕೊನೆಯ ಸಲವೂ ಅಂಗಳ ತುಂಬಾ ಚೆಲ್ಲಿತ್ತಲ್ಲ, ಈ ಸಲ ನೋಡಬೇಕು, ಹೂ ಬಿಟ್ಟು ಬಿಟ್ಟು ಸುಸ್ತಾಗದೇ ಕೊಂಚವೂ ಅದಕ್ಕೆ?

ಗೆಳೆಯರ ಖುಷಿಗಳಿಗೆ ಕಿವಿಯಾಗದೇ, ದುಃಖಕ್ಕೆ ದನಿಯಾಗದೇ, ಹೊಸ ಸಾಹಸಗಳಿಗೆ ಪ್ರೇರಣೆ ನೀಡದೆ ಎಷ್ಟೊಂದು ದಿನಗಳೇ ಆಗಿಬಿಟ್ಟವಲ್ಲಾ! ಕುಂದಾಪುರ ಕನ್ನಡ ಆಲಿಸದ ಕಿವಿಗಳು ಎಷ್ಟೊಂದು ಸಣ್ಣಗಾಗಿಬಿಟ್ಟಿವೆ!

ಜಯಂತರು ಹೇಳುವ ’ರಜಾಕಾರು’ ನಾವಾಗದೇ, ಸಂಬಂಧಿಕರ ಮಗುವೊಂದು ’ಅರೆ..! ನಾ ಹೋದ ಸಲ ನೋಡಿದ್ದಾಗ ಇಷ್ಟು ಚಿಕ್ಕವನಿದ್ದ, ಇಲಾಸ್ತಿಕ್ ಚಡ್ಡಿ ಹಾಕ್ಕೊಂಡು ಓಡಾಡ್ತಾ ತುಂಟತನ ಮಾಡ್ತಿದ್ದ; ಹ್ಯಾಗೆ ಆಲವಾಗಿದ್ದಾನೆ, ಗುರುತೇ ಸಿಗ್ತಿಲ್ಲ!’ ಎಂದು ಮುಗ್ಧನಾಗಿ ಅಚ್ಚರಿಪಡುವಂತೆ, ನಾ ಬೆಳೆದ- ನನ್ನ ಬೆಳೆಸಿದ ಊರಿನ ಬೆಳವಣಿಗೆಯನ್ನೂ ಕಂಡು ಸಂತಸ ಪಡಬೇಕಿದೆ.

ಇದು – ಸೂಟು, ಬೂಟು, ಕಾಂಪಿಟಿಷನ್ನು, ನಂಬರ್ ವನ್ ಆಗುವ ಓಟಗಳು, ಇಂಪ್ರೆಸ್ ಮಾಡುವ ಚಟಗಳು.. ಹೀಗೆ ಕಾಣುತ್ತಾ ಕಾಣುತ್ತಾ ನಾನೇ ಬೇರೆ ಯಾರೋ ಆಗಿಬಿಡುವ ಅಪಾಯವನ್ನು ತಪ್ಪಿಸಲೋಸುಗ, ಈ ನಾನಲ್ಲವೇ ಅಲ್ಲದ ನನ್ನತನವನ್ನು ಬದಿಗಿಟ್ಟು, ಕೇವಲ ನಾನಾಗುವ (just being myself) ಸುಗ್ಗಿಯ ಸಮಯ!

**

 

(ಚಿತ್ರಕೃಪೆ : ಈ ಲಿಂಕು)

Advertisements
ಟಿಪ್ಪಣಿಗಳು
  1. Sunil Kumar KM ಹೇಳುತ್ತಾರೆ:

    Excellent 😉 innenu helodappa…….

  2. veekay ಹೇಳುತ್ತಾರೆ:

    hi,

    I think you are in search of yourself..
    thats great! i feel it is the toughest job, coz in which i failed many times, and still trying on the same.:-)

    life forces us to do many things,we have to do them no matter whether we like or dislike… your article is so touching. for few moments it took me to vaccume.
    keep writing please..

    -veekay

  3. ರಂಜಿತ್ ಹೇಳುತ್ತಾರೆ:

    ಸುನಿಲ್, ಅಷ್ಟು ಹೇಳಿದ್ರೆ ಸಾಕು, ಬರೆದ ತೃಪ್ತಿಗೆ ಖುಷಿಯ ತುಪ್ಪ ಸವರಿದಂತೆ! ಧನ್ಯವಾದಗಳು!

  4. ರಂಜಿತ್ ಹೇಳುತ್ತಾರೆ:

    ವೀಕೆ, ನಿಮ್ಮ ಅನಿಸಿಕೆ ನೋಡಿ ಬಹಳ ಖುಷಿಯಾಯ್ತು. ಧನ್ಯವಾದಗಳು!

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s