ಒಂದು ರೊಟೀನು ಕವಿತೆ

Posted: ಆಗಷ್ಟ್ 3, 2011 in ಕವಿತೆ, ಕವಿತೆ ತರಹ
ಅದೊಮ್ಮೆ ಅಗಾಧ
ಸಾಗರ ಸವಾರಿ ಮಾಡುವ ಹುಕಿ ಬಂತು
ಪುಂಡ ಪೋಕರಿ ಹುಡುಗನೊಬ್ಬ ಕಟ್ಟಿದ
ಬಳ್ಳಿ ಬಿಚ್ಚಿ ಓಡಿಹೋದದ್ದೇ ತಡ
ಸ್ವಾತಂತ್ರ್ಯ ದಿವಸ.
ಹವೆಯ ಜತೆಗಿನ ಸ್ನೇಹ
ಸಹಾಯಕ್ಕೆ ಬಂತು.
ಅಲೆಯ ಮೇಲೆ ವಯ್ಯಾರದ ನಡಿಗೆ
ಗಮ್ಯವಿಲ್ಲದ ರಮ್ಯ ಹೆಜ್ಜೆಯಿರದ ಹಾದಿ
ಪುಳಕದ ಮೀನಿಗೆ ಅಚ್ಚರಿ
ಅರೆ! ಬಲೆಯಿಲ್ಲದ ದೋಣಿ


ಆದರೂ ಒಡೆಯನಿಲ್ಲದ ಒಬ್ಬಂಟಿತನ
ಗಮ್ಯವಿರದ ಗಾಢಾಂಧಕಾರ
ಅಗಾಧ ಬಯಲಿನಲ್ಲಿ ಒಂಟಿಗರಿಕೆಯ ಭಾವ
ತಿರುಗಿ ವಾಪಸ್ಸು ಹೋಗಲು ಅದೇ ಹಳೆಯ ಸ್ನೇಹ
ಸಹಾಯಕ್ಕೆ ಬರಲಿಲ್ಲ.
ಹಳೆಯ ಸ್ಥಿತಿಯ ಧ್ಯಾನ
ತೀವ್ರ ಚಡಪಡಿಕೆ 
ಕಾಲವನ್ನು ಹಿಂದೆಳೆಯುವ ಹಂಬಲ.



ಎಚ್ಚೆತ್ತೆ
ಅಂಬಿಗ ಪ್ರೀತಿಯಿಂದ ಮೈತಡವುತ್ತಿದ್ದ.
ಅದೋ ಅಲ್ಲಿ, ಮರದ ಮರೆಯಲ್ಲಿ ಇಣುಕುವ
ಪುಂಡಪೋಕರಿ ಪೋರ
ಮತ್ತು ಸುತ್ತ ಮುತ್ತ ಒಂದು ಹಳೆಯ ಸ್ನೇಹ.

ಬದುಕು ಕನಸು-ನನಸ ಉಯ್ಯಾಲೆ
ಸಾಹಸದಾಸೆ ಪರ್ವತ ಮತ್ತು
ರೊಟೀನು ಸುಖದ ತಪ್ಪಲು.
Advertisements
ಟಿಪ್ಪಣಿಗಳು
  1. shivu.k ಹೇಳುತ್ತಾರೆ:

    ಸರ್,

    ರೋಟಿನ್ ಆಗಿದ್ದರೂ ಚೆಂದವಿದೆ ಕವಿತೆ.

  2. sukhesh ಹೇಳುತ್ತಾರೆ:

    chenaagide…
    routine anta neeve helbeku 🙂

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s